विराटनगर- नेपाली काँग्रेसको १४ औ महाधिवेशन
अन्तर्गत शनिबार हुन गईरहेको मोरङका गाउँ÷नगर पालिकाहरुको अधिवेशनका लागि
जिल्लाका सबै स्थानीय तहहरुमा सभापति सहितका उमेद्वारहरुले शुक्रबार मनोनयन
दर्ता गरेका छन् । जिल्लाका कही स्थानीय तहमा सभापति सहितका पदाधिकारीहरु
नेताहरुको पहलमा सर्वसम्मत छनौट भएपनि अधिकाँस स्थानमा दुई छुट्टाछुट्टै
प्यानल सहितका उमेद्वारहरुले मनोनयन दर्ता गरेका छन् ।
शुक्रबार बेलुका
सम्मको जानकारी अनुसार जहदा र केराबारी गाउँपालिका तथा उर्लाबारी
नगरपालिकामा सभापति सहितका पदाधिकारीहरु सर्वसम्मत भएका छन् । अन्य
पालिकाहरुमा पनि सर्वसम्मतका लागि पहल भइरहेको स्थानीय नेताहरुले जानकारी
दिएका छन् । जसमा जहदामा महेन्द्र मण्डल सहित सबै पदाधिकारीहरुमा सर्वसम्मत
भएको छ । मण्डल देउवा समुहका हुन् । उर्लाबारीमा सुरेन्द्र लिम्बु सहित
(सचिव बाहेक) सबै पदमा सर्वसम्मत भएको छ । लिम्बु पौडेल समुहका हुन् ।
केराबारीमा पनि सभापति सहित सबै पदमा सर्वसम्मत भएको छ ।
केराबारीमा
सभापतिमा प्रकाश बस्नेत सभापतिमा सर्वसम्मत भएका हुन् । उर्लाबारी र
केराबारीका सर्वसम्मत दुबै सभापतिहरु पौडले समुहका डा शेखर कोइरालाको
समर्थन रहेको छ । यता मोरङको विराटनगर महानगरपालिकामा दीपक चापागाँई,
सन्तोष न्यौपाने, कृष्ण कार्की र अरुण न्यौपानेले सभापतिमा मनोनयन दर्ता
गरेका छन् । जसमा चापागाँई काँग्रेसको पौडेल समुहका डा शेखर कोइरालाको
समर्थन रहेको छ भने सन्तोष न्यौपाने देउवा समुहबाट मनोनयन दर्ता गराएका
हुन् , त्यस्तै कार्कीले आफूलाई कृष्ण प्रसाद सिटौलालाईनको बताउँदै आएका
छन् ।
त्यस्तै कटहरी गाउँपालिकामा रामकुमार कामत, हरीनारयण माझी र
शम्भु साहले सभापतिमा मनोनयन दर्ता गरेका छन् । जसमा कामतलाई पौडेल समुहको
महेश आचार्यहरुको समर्थन रहेको छ भने माझी देउवा समुहका उमेद्वार हुन् ।
बुढीगँगामा जीत बहादुर थापा र रेवती नारयण चौधरीले सभापतिमा मनोनय दर्ता
गराएकाछन । जसमा थापालाई डा शेखर कोइरालको समर्थन रहेको छ भने चौधरीलाई
देउवा समुहको समर्थन रहेको छ ।
उता रङ्गेली नगरपालिकामा सभापतिमा जीत
नारायण खवास र जगनाथ मण्डलले मनोनयन दर्ता गराएका छन् । यी दुबै देउवा
समुहका भएपनि खवास देउवा समुहका दिलिप गच्छदारका जुवाइ हुने भने मण्डल सोही
सुमु्हका अमृत अर्याल निकट रहेको बुझिएको छ । खवासलाई पौडेल समुहका डा
मिनेन्द्र रिजालहरुको समर्थन रहेको बुझिएको छ । त्यस्तै धनपालथानमा सबै
पदाधिकारीहरुमा सर्वसम्मत भएपनि सभापतिमा दिपकवीर पाण्डे र वासुदेव रायको
उमेद्वारी दर्ता भएको छ । सुनवर्षी नगरपालिकामा महेश्वर राजवंशी, कमलकिशोर
सिंह बैजनाथ झाले सभापति पदमा मनोनयन गरेका छन् ।
जसमा कमलकिशोर सिंह देउवा समुहका हुन् तर सिंह बलिया उमेद्वार भएकाले डा मिनेन्द्र रिजालले सिंहकै पक्षमा सर्वसम्मत गर्ने पहल गरिरहेको बुझिएको छ । त्यस्तै रतुवामाईमा सभापतिमा पदमा कन्हैयालाल राजवंशी र पोष्ट बहादुर बस्नेतले मनोनयन दर्ता गराएका छन तर, कन्हैयालालको पक्षमा सर्वसम्मत गराउने पहल भईरहेको बुझिएको छ । सुन्दर हरैचामा महेन्द्र धिमाल र भक्ति सिटौलाले सभापतिमा मनोनयन दर्ता गराएका छन् ।
जसमा धिमाल
देउवा समुहका हुन् भने सिटौला कोइराला निवास निकट हुन् । बेलबारीमा
सभापतिमा छत्र लिम्बु र शम्भु भट्टराईले मनोनयन गरेका छन् । जसमा लिम्बु
पौडेल समुहका हुन् भने भट्टराई देउवा समुहका हुन् । त्यस्तै मिक्लाजुङमा
बबि राई र अरुण विक्रम बस्नेतले सभापतिमा मनोनयन दर्ता गराएका छन् ।मिक्लाजुङमा सभापति बाहेक सबै पदमा सर्वसम्मत भएको छ ।
पथरीशनिश्चरेमा
सभापतिमा इश्वर थापा, लोकमान खरेल र रुपनारायण भट्टराईले उमेद्वारी दर्ता
गराएका छन् । जसमा खरेल देउवा समुह,भट्टराई पौडेल समुहका डा शेखर कोइराला र
थापालाई पौडेल समुहकै महेश आचार्यहरुको समर्थन रहेको बताइएको छ ।