विराटनगर - दीपेन्द्र के खनालको लेखन, छायांकन तथा निर्देशनमा बन्न लागेको चलचित्र ‘चिसो मान्छे’को छायांकन आजबाट सुरु भएको छ । आज बिहान शुभसाइत गर्दै चलचित्रको छायांकन सुरु भएको जानकारी दिइएकाृ छ ।
शर्मिला पाण्डेको निर्माणमा तयार हुने यो चलचित्रमा नायिका स्वस्तिमा खड्का, कलाकार अर्पण थापाको मुख्य भूमिका रहन बताइृएको छ । यस्तै, चलचित्रमा देशभक्त खनाल, आशान्त शर्मा, झकेन वीसी लगायतका कलाकारको पनि मुख्य भूमिका रहनेछ ।
चलचित्र विकास बोर्डका अध्यक्ष दयाराम दाहालले चलचित्रलाई शुभकामना दिए । सुभाष भुषालको संगीत रहने यो चलचित्रलाई काठमाण्डौदेखि बाजुरासम्म खिचिनेछ ।
निर्देशक खनालका अनुसार चलचित्रलाई काठमाण्डौदेखि बाजुरासम्मका विभिन्न लोकेशनमा खिचिने छ । चलचित्रको छायांकन यति नै दिनमा सकिन्छ भन्न नसकिने यनले बताए ।’यो चलचित्रले समाजका चिसो मानिसहरुको कथा भन्ने उनले बताए । चलचित्रलाई आफूले घाममा नखिच्ने उनको भनाई छ ।
चलचित्रलाई भदौको ११ गतेबाट रिलिज गर्ने तयारी यसको निर्माणपक्षले बताएको छ । यसअघि दीपेन्द्र र शर्मिलाले बनाएको चलचित्र ‘आमा’ले बक्स अफिसमा सुखद व्यापार गरेको थियो ।यो चलचित्रबाट पनि राम्रो आशा गरीएको उनले बताए ।
