विराटनगर-प्रदेश १ का उद्योगी व्यवसायीले राष्ट्रपति विद्यादेवी भण्डारीलाई बुधबार राष्ट्रपति कार्यालय सीतल निवासमा भेट गरेका छन ।
स्वदेशी वस्तुहरुको उपभोग अभिवृद्धि गरी देशलाई आत्मनिर्भर वनाउदै सम्मुनत राष्ट्र निर्माणमा सहयोग पुर्याउने लक्ष्य लिई मोरङ व्यापार संघ र उद्योग संगठन मोरङले प्रारम्भ गरेको मेरो देश, मेरै उत्पादनको अभियानलाई अन्तर्गत दुवै संस्थाले तयार पारेको निमोनिक लोगो फ्रेम र प्रतिवद्धता पत्र बुधबार राष्ट्रपतिको कार्यालय शितल निवासमा राष्ट्रपतिलाई हस्तान्तरण गरेको छ ।
उक्त अवसरमा राष्ट्रपति विद्यादेवी भण्डारीले प्रत्येक वर्ष मुलुकको व्यापार घाटा वृद्धि हुने क्रममा रहेको सन्दर्भमा मोरङ व्यापार संघ र उद्योग संगठन मोरङले स्वदेशी उद्योग तथा वस्तुको बजार प्रवद्र्धनका लागि संचालनमा ल्याएको यस अभियानमा आफनो पूणर् साथ, सहयोग र समर्थन रहेको बताएकी छन । ।
उनले यस अभियानमा ठूला उद्योगहरुका साथै स-साना स्तरमा संचालनमा रही वस्तु उत्पादन गर्दै राष्ट्रिय अर्थतन्त्रमा सहयोग पुर्याउदै आएका कुटिर, लघु, घरेलु तथा साना एवं महिला उद्यमीहरुको उत्पादनलाई समेत समेटि देश व्यापीरुपमा यस अभियानलाई सार्थक तुल्याउनु पर्ने सुझाव दिइन ।
स्वेदेशी उत्पादनको प्रर्वद्धन गरी राष्ट्रीय आर्थिक एवं औद्योगीक विकासमा टेवा पुर्याउदै वस्तुहरुको उपभोग अभिवृद्धि गरी देशलाई आत्मानिर्भर वनाउने पुनित उदेश्यले संचालनमा ल्याएको मेरो देश, मेरै उत्पादन अभियानको निमोनिक लोगो उद्योग संगठन मोरङका अध्यक्ष सुयश प्याकुरेल र मोरङ व्यापार संघका अध्यक्ष प्रकाश मुन्दडाको नेतृत्वमा गएको संयूक्त प्रतिनिधि मण्डलले हस्तान्तरण गरेको हो ।
उक्त अवसरमा संगठनका निवर्तमान अध्यक्ष भीम घिमिरे, संघका निवर्तमान अध्यक्ष पवन शारडा, संगठनका पूर्व अध्यक्ष किशोर प्रधान, संघका पूर्व अध्यक्ष महेश जाजु, संगठनका वरिष्ठ उपाध्यक्ष प्रदीप मुरारका, संघका वरिष्ठ उपाध्यक्ष नविन रिजाल, संगठनका उपाध्यक्ष राजकुमार गोल्छा, नन्दकिशोर राठी, भोलेश्वर दुलाल र संघका उपाध्यक्ष अनुपम राठीको सहभागिता रहेको थियो ।
